МСБХ ХЭРЭГЖҮҮЛЖ БУЙ СУРГАЛТ БОЛОН ТӨЛӨВЛӨГӨӨНҮҮДИЙН ТАЛААР ХЭВЛЭЛИЙН БАГА ХУРАЛ ХИЙЛЭЭ
Нийтэлсэн:
МОНГОЛЫН САГСАН БӨМБӨГИЙН ХОЛБОО
Монголын Сагсан Бөмбөгийн Холбоо бодлогын түвшинд олон талт үйл ажиллагаануудыг зохион байгуулж байна. Тэмцээнүүд зохион байгуулахаас гадна өсвөрийн шигшээ баг, багш дасгалжуулагч дэмжих, бэлдэх болон шигшээ багийн дараа үеээ хэрхэн бэлдэх тал урт хугацааны төлөвлөгөө гарган, ажиллаж байгаа юм. Энэхүү бодлого, төлөвлөгөөнүүдтэй холбоотой хүүхэд залуус руу чиглэсэн “Ball In School” төслийг эхлүүлээд байгаа буюу төслийн хүрээнд гурван насны ангиллын шигшээ багийг бүрдүүлж ажиллаж байгаа аж. Үүнд 20-иос доош, 18-аас доош, 16-ааш доош насны ангиллын шигшээ багуудыг байгуулах ажлыг эхлүүлээд байна.
Багш дасгалжуулагч нарыг бэлдэх, дэмжих ажлуудын хүрээнд Олон Улсын Сагсан Бөмбөгийн Холбоо буюу “FIBA”-ийн сургалт явуулах эрхтэй мэргэжилтэнтэй хамтран зэрэглэл олгох сургалтыг хоёр дахь жилдээ зохион байгуулна. Сургалтад амжилттай оролцсон багш дасгалжуулагчдад Сагсан Бөмбөгийн Холбооны “C”,”B, “A” зэрэглэлүүдийг олгоно. Энэхүү үйл ажиллагаанд Монголын Сагсан Бөмбөгийн Холбооны зүгээс гол баримталж буй гол зүйл бол багш дасгалжуулагчдыг хөгжүүлэх тал дээр түлхүү ажиллаж байгаа буюу Олон Улсын Сагсан Бөмбөгийн Холбооны сургалт явуулах эрхтэй Грек мэргэжилтэнтэй 2 жилийн гэрээг байгуулаад байгаа гэдгийг онцоллоо.
Олон талт үйл ажиллагааны хүрээнд “FIBA”-ийн Олон улсын сантай хамтран “Азийн Залуу Сагсан Бөмбөгийн Манлайлагч” хөтөлбөрт хоёр залуу оролцогчдыг оруулсан. Мөн Олон Улсын Сагсан Бөмбөгийн Холбоо АНУ-ын Үндэсний Сагсан Бөмбөгийн Холбоо буюу “NBA”-тэй хамтын ажиллагаагаа өргөжүүлэн ажиллаж байгаа юм. Хамтын ажиллагааны хүрээнд сүүлийн 4 жилийн хугацаанд манай өсвөрийн тамирчид “Basketball Without Borders in Asia” хөтөлбөрт хамрагдаж, Азийн шилдэг залуу тамирчидтай хамт оролцсон байна. Сургалтыг Олон Улсын Сагсанбөмбөгийн Холбооны мэргэжилтин болон “NBA”-ийн одууд удирдан зохион байгуулж, зөвөлгөө өгдөг.
